Quvasoy shahar hokimi Zafarjon To‘raqulov xitoylik investorlar bilan yangi loyihalar bo‘yicha uchrashuv o‘tkazdi Quvasoy shahar hokimi Xitoy Xalq Respublikasining “Shandong Huiliang Life” kompaniyasi rahbari Shi Zong boshchiligidagi delegatsiyani qabul qildi. Quvasoy shahriga tashrif buyurgan xitoylik investorlar bilan yangi loyihalar bo‘yicha o‘tkazilgan uchrashuv davomida tomonlar hamkorlikni yo‘lga qo‘yish va yangi istiqbolli loyihalarni amalga oshirish masalalari bo‘yicha muloqot qildilar. Investorlarga Qo‘qon EIZ Quvasoy filiali hududida yangi loyihalarni ishga tushirishda imtiyozlar mavjudligi tushuntirildi. Muzokara yakunida, ikki tomonlama hamkorlikni yo‘lga qo‘yish va yangi loyihalarni tez fursatlarda boshlashga kelishib olindi.