Bugun Quvasoy shahridagi Xalq qabulxonasida shahar hokimi boshchiligida sektor rahbarlarining navbatdagi shaxsiy qabullari bo‘lib o‘tdi. Unda tegishli korxona va tashkilot rahbarlari va mahalla raislari ishtirok etdilar. Qabulda fuqarolar uy-joy, moddiy yordam, tibbiy xizmatlar, tadbirkorlik, imtiyozli kredit olish kabi turli masalalarda murojaatlarni amalga oshirdilar. Qabul davomida murojaatlarning ko‘pi o‘z yechimini topgan bo‘lsa, hal etilishi uchun muddat talab etiladigan murojaatlar yuzasidan mutasaddilarga qo‘shimcha o‘rganish bo‘yicha topshiriqlar berilib, ijrosi qat’iy nazoratga olindi. Qonuniy jihatdan qanoatlantirish imkoniyati mavjud bo‘lmagan murojaatlar bo‘yicha tegishli tushuntirishlar berildi.