Quvasoy shahar Mudofaa ishlari boʻlimida muddatli harbiy xizmatga chaqiriluvchilarni tantanali kuzatish tadbiri tashkil etildi. Tadbirda shahar Mudofaa ishlari boʻlimi boshligʻi Ikromjon Muminov, "Islom" jomeʼ masjidi imom noibi Olim hoji Abidjanov, shahar hokimining o‘rinbosari A.Mamajonov, Madaniyat boʻlimi, "Vatan tayanchi" guruhi aʼzolari, shuningdek, muddatli harbiy xizmatga chaqiriluvchilar va ularning ota-onalari ishtirok etdi. Tadbir davomida O‘zbekiston Respublikasi Prezidentining 2025-yil 29-yanvardagi PQ-31-sonli qarori mazmun-mohiyati tushuntirilib, harbiy xizmatga chaqirilgan yigitlarga yaratilayotgan sharoitlar va imtiyozlar haqida batafsil ma’lumot berildi. Tantanali tadbir davomida chaqiriluvchilarga Vatanga sadoqat bilan xizmat qilish, mardlik va jasorat namunasi bo‘lish tilaklari bildirildi.