Shahar tarixi

Quvasoy shahri – Farg'ona vodiysi tekisligida joylashgan bo'lib, Shimoliy tomoni Farg'ona viloyatining Quva, Toshloq tumanlari bilan, Janubiy va g'arbiy tomonlari Farg'ona shahri va Farg'ona tumanlari, Sharqiy hududi Qirg'iziston Respublikasining Batken viloyati qizil-qiya shahri bilan chegaradoshdir.

Umumiy er maydoni 264 kv. km, 31 ta mahalla fuqarolar yig'inida 100 mingga yaqin aholi bo'lib, 57,6 % shaharda, 42,4% qishloqlarda istiqomat qiladi. 15 dan ziyodroq turli millat vakillari, 43% dan ortig'ini o'zbeklar, 32,3% tojiklar, 14,5% qirg'izlar va qolganini rus, koreys, tatar, uyg'ur, ukrain, qozoq kabi Millatlar tashkil etadi.

Hozirda 5 ta yirik sanoat korxonalari: "Quvasoytsement" AJ, "kvars" AJ, "QUVASOY SHIFER HRIZOTIL" MCHJ, "Elektroqishloqqurilish" korxonasi, "FERGANACEMENT" MCHJ korxonalari faoliyat yuritadi. Bu sanoat korxonalarida tsement, shifer, qurilish oynalari, temir-beton mahsulotlari va shisha idishlar ishlab chiqariladi. Temir yo'l stantsiyasi mavjud.

Iqlimi butun Farg'ona vodiysi kabi kontinental. Qish yumshoq, ba'zida qattiq, yanvar oyida -20 o S bo'lishi mumkin. Qorli mavsum uzoq bo'lmaydi. Yozi issiq, iyulning o'rtacha harorati 28 o S, eng yuqori darajasi 41,5 os tashkil etadi. Quvasoyning tabiiy iqlimi issiqsevar qishloq xo'jaligi ekinlari, meva hamda sabzavotlar uchun juda qulay. Quvasoyning gilos hamda olmalari O'zbekistonda, qolaversa jahon mamlakatlarida xaridorgir.